استفسارات مبتدئ .. أرجو إلتفاتتكم الكريمة ..

السلام عليكم ورحمة الله وبركاته..

أخواني الأعزاء لا أخفي عليكم أني منقطع عن الألعاب الإلكترونية من أيام الثنوي .. يعني تقريباً من خمس سنوات ..

حتى الأكس بوكس والله أنه مغبر تحت السرير..

ولكن بكل أمانة من خلال متابعتي لقناة الأخ عادل s4gam3r
وبالصدفة على اليوتيوب شدتني اللعبة.. يعني حسيت أنها تصفي الذهن ورايقة ألى أبعد حد
المهم جلست أتابع حلقاته تقريبا أكثر من 3 شهور والهدف التسلية فقط..
وأخيراً قررت أني ألعب ماين الكرافت.. ومن إيماني العميق بالحقوق الفكرية قررت أني ما ألعب شيء مكرك ..
دخلت على الموقع وسجلت .. وشفت سعر اللعبة اللي هو 19 يورو تقريبا ..
وفكرت فيها قلت ليش ما ألعب مكرك وأجرب اللعبة قبل أشتريها .. لأني من النوع اللي يمل بسرعة .. وبالفعل حفرت في النت لين ما حصلت مقطع على اليوتيوب لشخص غربي وتابعت الخطوات وحملتها ( مكركه طبعا ) المهم أني الآن ألعب .. وللاسف شدتني أكثر وان شاء الله قريبا باشتريها ..

وعشان ما أطول عليكم .. عندي استفسارين بسيطين اتمنى أحد يجاوبني عليها ..

أولاً : الكرافتينق 2*2 ما تضبط معاي ,, احط اعواد الأشجار مكانها وانتظر تطلعلي عصا مو راضي,, وحاولت مع اكثر من نوع مو راضية تضبط وما ادرين وين المشكلة.. ( من الأخير ما تشتغل أبد )

ثانياً : وش الفرق بين اللعبة المشتراه من الموقع وبين المكركه.. هل المميزات كثيرة للعبة الأصلية أو ما فيه فرق ...

يا ليت تردون علي .. وأهم شي حل للكرافتنق لأني متعطل ماني قادر اسوي شي ..

وشكراً