شرح لعبة ماين كرافت

موضوع: شرح لعبة ماين كرافت 10/7/2011, 1:23 am

السلام عليكم و رحمة الله

في هذا الموضوع حبيت اشرح لكم بعض المعلومات حول اللعبة الرائعة Minecraft و هذا شرح لكي تعرف الادوات و الصناعات و بعض الاشياء عن اللعبة

طبعا الموضوع ليس كامل بعد لاني اعتقد ان الاكتشاف له متعة لكن اذا احد من الاعضاء عنده معلومة او نصيحة ياليت يكتبها و راح اضيفها للموضوع باسمه :d

سأضيف بعض مقاطع اليوتيوب الرائعة اخر الموضوع

طيب خلصنا المقدمة ندخل فالموضوع
اول شي حمل اللعبة من هنا https://arbminecraft.rigala.net/t7-topic

و الان نبدا مع شرح للمكعبات

الصورة كبيرة مرة بس اعتقد راح تتصغر تلقائيا

لرمل Sand: هذا مثل الحصى قابل للجاذبية يعني اذا بيوضع في مكان مرتفع لازم شي تحته او راح يسقط.

monster Spawner:
في الكهوف او Dungens اوقات تجد هذا حول الكنوز و ميزته انه يستخرج وحوش و حتى توقفه لازم تضوي المكان حوله افضل طريقة تحط شمعات حوله, و معلومة ثانية و هي ان الوحوش تخرج من الاماكن المظلمة جدا يعني اذا بنيت غرفة او حفرت حفرة حاول تحط اضاءة لو قليل.

اوبسيدين : هذا يحتاج شوية شرح اول شي طريقة ايجاده هو يطلع فقط يا تقابل الماء و الحمم او لافا مثل الصورة.

و يستخرج بمعول من الالماس او حفار مهاما يكون اسمه اهم شي مصنوع من الالماس فقط, و استعماله يستخدم لفتح بوابة للجحيم , راح اتكلم عن الجحيم بعدين.

Bedrock:
هذا حجر ما يتدمر ابدا, غالبا يستعملونه الادمن في السيرفر عن طريق اوامر او commands حتى يحمون منطقة مثل الخزنة

بالنسبة للمعادن اعتقد الجميع يعرفها بس ملاحظة الذهب يستخرج بمعول من الحديد او اقوى و الالماس يستخرج بمعول من الحديد او الالماس فقط, بالنسبة للحجر الاحمر مثل الالماس يا كسرته بمعول من الحديد او الالماس فقط راح يطرح 4-5 رمال حمراء

Lapis Lazuli معدن كمان يستعمل للبناء

لوح الضغط الخشب و الحجر و ايضا زر الحجر و الرافعة او المقبض تستخدم مع الباب لفتحه مثلا تمشي على لوحة الضغط و يفتح الباب او تضغط الزر و هكذا لكن لازم تكون قريبة من الباب او امامه حتى تشتغل , و اذا استعملتها مع الرمل الاحمر راح تختلف شوي لان الرمل الاحمر راح يتصرف مثل سلك الكهرباء و الادوات هذي هي ترسل الكهرباء, ما استعملته كثير لكن افضل استعمال له مع الافخاخ.

المكتبة الى الان ما لها فائدة حسب علمي فقط ديكور لا اكثر يمكن بعدين راح نقدر نحفظ فيها كتب او ملاحظات و هكذا.

جوك بوكس: مشغل اغاني را اتكلم عنه بعدين

البوابة توديك للجحيم و طريقة تشغليها اقولها بعدين افضل.
قلو ستون و نيثرراك و سول ساند كلها من الجحيم تستعمل للبناء و القلوستون ما له استعمال في التصنيع لكن اذا استعمل زي الشعلة ما يطفي تحت الماء و يذوب الثلج اللي يتجمع حوله.

الحاجز حلو لانه ما تقدر الوحوش تتسلقه تضعه حول بيتك افضل شي بس حسب ما اسمع ان العناكب في اخر تحديث تقدر تتسلق الجدران و تتسلق الحاجز كمان.

طبعا الوول معروف حسب علمي يستعمل في البناء, ديكور يعني

سابلينق هي شجرة او زرعة صغيرة تاخذها من اوراق الاشجار يا دمرتها و تقدر تزرعها بعدين مثلا تسوي مزرعة اشجار , راح اشرحها فيما يلي.

قصب السكر يوجد على التربة حول المياه , يستعمل في تصنيع الورق لصنع المكتبة و ايضا لصنع السكر حتى تقدر تسوي كيك

المحاصيل هذي يتم زراعته و تجد حبوبها يا سويت الارض بالحراث , بعدين يا زرعتها راح تمر بمراحل ثم تجني منها محاصيل لصنع كيك ,الصورة تمثل مراحلها

راح اتكلم عن الزراعة فيما يلي.

الشعلة لإضائة المكان و النار طبعا معروفة , توجد اداة لاشعال النار و ايضا معلومة مهمة ترى النار مثل الحقيقة اذا جنبها مصدر قابل للاشتعال راح تولعه و تولع اللي حوله, و راح اتكلم عن طرق تجنبها و كيف تسوي نار لا تنطفي فيما يلي.

X×X××X××X×X×X×X×X×X×X×X×X×X

مشغل الاسطوانات:
حتى تحصل على اسطوانة لازم تخلي الوحش الاخضر اللي ينفجر يسمونه كريبر يقتله الهيكل العظمي

الطريقة يمكن صعبة شوي بس تسويها كذا
في الليل سوي حفرة واسعة شوي و اسحب كريبر فيها بعدين اطلق عليه 3 اسهم وقتها راح يصير ضعيف و ضربة وحدة تقتله, الان اسحب هيكل عظمي و اجري حول الحفرة خله يكون مواجه الكريبر يا اطلق سهمه و بعد ما يقتله راح يطرح الكريبر اسطوانة تشغلها في الجوك بوكس او مشغل الاسطونات

oOoOoOoOoOoOoOoOoOoOoOoOoOo

راح اتكلم عن الزراعة:

طبعا كثير منكم يا تقدموا كثير راح يتعبون من البحث عن الخشب و راح تبغى تسوي مزرعة
او تبغى تسوي كيك و راح تضطر تزرع محاصيل, باكتب الطريقة هنا:
مزرعة الاشجار
اول شي تروح للاشجار و تدمر اوراقها بيدك او بأي اداة و تجمع الشتلات ثم تبحث عن مكان يصلح يكون مزرعة و تسوي حوله حاجز حتى ما تدخله الوحوش او تقدر تبني حوله زجاج بس انا افضل الحاجز لانه اسهل, ازرع الشتلات بعيدة عن بعض يعني بين كل شتلة و شتلة 4-5 مكعبات لانك اذا زرعتها جنب بعض راح تسوي لك غابة مظلمة و هذي صعب شوي تجميع الخشب فيها
بعد ما تنبت و تجمع الخشب اذا كانت عنك شتلات كثير تقدر تختصر الوقت و تستعمل الولاعة(اللي تولع نار) و تحرق الاوراق الباقية بس تاكد انك جمعت الخشب اول

مزرعة محاصيل او crops:
هذي تحتاج شوية شرح اول شي لازم يكون عندك اثنين دلو و ايضا حراث و هذي صورة لطريقة تصليحه من الصناعة هو و الدلو

عند تصليح الحراث تقدر تاستبدل الواح الخشب بانواع المعادن مثلا حجر او حديد او الماس
بعد ما تسويهم تروح تجمع بالدلوين ماء حتى نسوي بحيرة ماء لا نهائية يعني تجمع منها ماء زي ما تبغى و الطريقة هي انك تحفر حفرة 2×2 تسكب الماء في الركنين مثل الصورة

بعد ما تجمع بذور ,و طريقة التجميع مرة ثانية انك تستعمل الحراث على التراب و تطلع لك
الان تسوي الارض بالحراث و تسوي حول المزرعة قناة مياه و هذا سبب عملنا لنبع ماء وهو انك تقدر تاخذ منه ماء قد ما تبغى المهم تكون مثلا زي الصورة

بعد ما تمر المراحل اللي بالصورة هذي

تروح للمحصول و تضغط عليه كليك يمين و راح يحصده

OoOoOoOoOoOoOoOoOoOoOoOoO

منطقة الجحيم :

مكان مرعب و ما راح تقدر تركز فيه تمام:new3:
اللي فيه غالبا مواد بناء و ايضا توجد وحوش بس راح اترك لكم متعة الاكتشاف:d

حتى نفتح بوابة نحتاج اوبسيدين و فلينت الاداة اللي تشعل بها الاشياء موجودة في قسم الصناعة.

حتى تسوي بوابة تحتاج اقل شي 14 حجر اوبسيدين و تسويها على شكل ايطار صورة و تكون عرضها اربع مكعبات و طولها 5 مكعبات ثم قرب من البوابة و ولعها مثل الصورة

داخل الجحيم راح تكون هناك بوابة افضل شي بعد ما تدخل تسوي حولها جدار حتى ما يجيها هجوم وحش و تطفي فجاءة طبعا ما راح تتدمر بسهولة بس راح تضطر تولعها مرة ثانية

ما راح اتكلم عن داخل الجحيم لانه الافضل استكشافه من رأيي و ايضا المكان سهل هناك بس حاول تضوي المكان حولك يعني تحط شعلات لانه مثل ما قلت ترى الظلام يطلع وحوش:51:

ـــــــــــــــــــــــــــــــــــــــــــــــــــــــــــــــــ
قسم الصناعات:
الصناعات موجودة هنا
http://www.minecraftwiki.net/wiki/Crafting

ويوجد نسخة مترجمة منها في الرد الثاني

و ايضا هذي صورة توضح الاشياء اللي تقدر تصهرها في الفرن بس لازم فحم او خشب حتى يشتغل

اللحم تجمعه من الخنازير يا قتلتها بسيف راح تطرحه :1:
ـــــــــــــــــــــــــــــــــــــــــــــــــــــــــــــــــ
معلومات مهمة في اشعال نار و طريقة اشعال نار, ايضا كيف تصنع بحيرة:

اول شي معلومات مهمة قبل ما تسوي نار او تبني حول قصرك بحيرة حمم , انتبه من الخشب! لا تخلي حولها مواد مشتعلة و منها اشياء زي المكتبة و الخشب
هذي صورة تشرح اللي صار لي :new8:

و راح احط في قسم المقاطع فديو لواحد حرق بيته بالغلط :new3:

و طبعا اذا القلعة فيها حجار و خشب اذا تولعت ما ينهدم الحجر راح يجلس مكانه
و اهم شي تكون القاعدة و الجدران من الحجر لاول دور او الدور اللي بتحط نار فيه

طريقة نار لا نهائية
سهلة و هذي صورة تشرحها

يكون الاساس حقها حجر

تبني حجر طبقة ثانية و يكون فيها الفراغ اللي بتحط فيه النار
اهم شي يكون الخشب متغطي تمام من الجوانب و تحت يعني ما يكون في غير راسه

انتظر دقيقة و بعد ما تتاكد انه تولع تمام و ما انحرق تقدر تشيل الحجار عادي

نبع ماء لا نهائي:

سهلة جدا بس احفر اربع حفرات جنب بعض و حط الماء في ركنين مثل الصورة

الحمم:
هذي الشي الوحيد اللي ما تقدر تخليه لا نهائي الا بالغش يعني راح تضطر تجمعها و ماني متاكد بس يمكن تقدر تجمعها من الجحيم

برامج الغش
طبعا كثير منكم راح يطفش من التجميع و طور البقاء و راح يبغى يبني بدون ما يضيع وقت يجمع, هذا راح يفيدك و طريقة الشرح بالصور

اذا الاداة لها رقم مثل التراب او الخشب تقدر تخلي عددها 255 و تصير لا نهائية

البرنامج :
http://copy.mcft.net/mc/INVedit/INVedit.zip
XxXxXxXxXxXxXxXxX

قسم فديوهات اليوتيوب:
بعض الفديوهات عن اشياء ناس سووها في اليوتيوب
1- فديو اللي حرق بيته :new14:
https://www.youtube.com/watch?v=LnjSWPxJxNs

2-ناس بنو كرة ارضية:38:
https://www.youtube.com/watch?v=LWPk5zlKAEM

3- واحد بنا مركبة فضاء :new17:
https://www.youtube.com/watch?v=kn2-d5a3r94

4- فديو لواحد مشترك في مسابقة بقصر رمال سواه الفديو طويل بس رهيب القصر:27:
https://www.youtube.com/watch?v=-bZJiZX_QLk

5- فديو لمباني رهييييبة على فكرة اللي في الفديو يستعمل مود الطيران :z-attack:
https://www.youtube.com/watch?v=s0jsVJZI8YI

الفديوهات موجودة لتحميس الشباب حتى يبنون و يورونا مبانيهم نبغى نشوف ابداعات D:
×xOoOoOoOoOoOox×
طريقة تغيير ثيم اللعبة :
http://www.adslgate.com/dsl/showpost.php?p=1059417431&postcount=114
OoOoOoOoOoOoOoOoOoO

للامانة الموضوع منقول من بوابة الانترنت الرقيمة

موضوع: رد: شرح لعبة ماين كرافت 10/7/2011, 1:29 am

قسم الصناعات:

الصناعات اللي تقدر تسويها في اللعبة من ادوات ,اسلحة, دروع, طعام و راح نبدا بالادوات الاساسية:

شرح لعبة ماين كرافت Craft1

اسف نسيت اترجم اسماء مواد البناء هنا :1:

وصفات المكعبات:

شرح لعبة ماين كرافت Craft2

وصفات الادوات:

شرح لعبة ماين كرافت Craft4

بالنسبة للادوات تقدر تستخدم اي معدن مذكور فقط بدله مكان الحجر و نسيت اذكر الخشب تقدر تسوي ادوات منه باستخدام الواح الخشب بدل المعدن

شرح لعبة ماين كرافت Craft5

بالنسبة للبوصلة شباب هذي توريك المكان اللي بديت اللعبة منه تقدر تستعملها و تحط لك تجهيزات في هذاك المكان مثل طعام درع او ادوات

و الساعة تتغير صورتها بين الليل و النهار

اما الصنارة استعملها بكليك يمين و اذا على بحيرة راح تبدا تصيد اما اذا على وحش او حيوان راح تسحبه جهتك :icon23: , مفيدة جدا في صنع الاسطوانات او صيد السمك :new7:

نكمل وصفات الاسلحة:

شرح لعبة ماين كرافت Craft6

حجر الصوان يطلع يا حفرت الحصى او gravel اللي لونه يشبه احمر و ابيض

الدروع:

شرح لعبة ماين كرافت Craft7

جلد البقر تاخذه يا قتلت البقر اسرع شي سوي سيف و اقتلهم

ادوات النقل:

شرح لعبة ماين كرافت Craft8

عربة الدفع حط فيها فحم و راح تنطلق بدون ما تدفها يدويا
القارب اضغط كلك يمين على البحر او البحيرة و يا طاح كلك يمين ثاني و تركبه بعدها التحكم سهل

وصفات الآليات:

شرح لعبة ماين كرافت Craft10

الباب ركبه من خارج البيت افضل حتى يعطيك فراغ صغير عند المدخل

شعلة حجر احمر هذي تشتغل بلوحات الضغط او الازرار مثل اللمبات العادية

رامي الادوات هذا كمان يشتغل بالرمل الاحمر و تشغله مثل الشعلة فوق بلوح ضغط او زر حجر او رافعة

وصفات الطبخات:

شرح لعبة ماين كرافت Craft11

ميزة التفاحة الذهبية تسترجع 10 قلوب

ادوات اخرى:

شرح لعبة ماين كرافت Craft12

تبقى وصفات الصبغات اللي تستخدمها على الفرو و تغير لونه

بالنسبة لبعض الادوات مثل الخيط و الكبريت
الخيط يطيح من العنكبوت و الكبريت يطيح من الوحوش مثل الزومبي او الاخضر اللي ينفجر

الريش اقتل الدجاج مدري البط و يطرح ريش :new14:

بحاول اضيف اشياء ثانية قريب بإذن الله

موضوع: رد: شرح لعبة ماين كرافت 10/7/2011, 10:39 pm

السلام عليكم ورحمة الله وبركاته

مشكور اخوي على الموضوع

بس اخوي انا اعرف للفلاين بس ممكن تعلمني كيف اضيف plugens لي السيرفر لاني ما اعرف وشكرا

Very Happy

موضوع: رد: شرح لعبة ماين كرافت 10/8/2011, 12:34 am

شكرًا اخي على مرورك

و لو سألتني عن البلوجنز مرة ثانية بادخلك السجن <<<<<< امزح Smile

ان شاء الله باشرح كيف تحمل البلوجنز و كيف تركبهم Very Happy

موضوع: رد: شرح لعبة ماين كرافت 10/20/2011, 7:08 am

شرح جميل

موضوع: رد: شرح لعبة ماين كرافت 10/21/2011, 7:39 am

مشكوور على الشرح الوافي والكافي

موضوع: رد: شرح لعبة ماين كرافت 10/21/2011, 2:41 pm

اسير الصمت كتب:: شرح جميل

شكرا

موضوع: رد: شرح لعبة ماين كرافت 10/21/2011, 2:46 pm

E-N-T-7-A-R-E-♥-07 كتب:: مشكوور على الشرح الوافي والكافي

العفو

موضوع: رد: شرح لعبة ماين كرافت 12/26/2011, 8:51 pm

اخوي انا عندي 4 مربعات بدال التسعه الموجودة في الصور

اقصد مربعات التكوين الي تحط فيه الخشب والصوف يطلعلك سرير Very Happy

>> اهم شي التقريب

يعني اذا عندي 4 مربعات وشلون بزين لي باب ولاسرير

والشي الثاني

كيف اوزعهم على المربعات مثلا عندي 8 الواح خشب بوزعهم على ثلاث مربعات مثلا كيف اقصد انهن

8 الواح ينزلن كلهن في مربع واحد مايمديني اوزعهن

موضوع: رد: شرح لعبة ماين كرافت 12/27/2011, 12:18 am

just..me كتب:: اخوي انا عندي 4 مربعات بدال التسعه الموجودة في الصور

اقصد مربعات التكوين الي تحط فيه الخشب والصوف يطلعلك سرير >> اهم شي التقريب

يعني اذا عندي 4 مربعات وشلون بزين لي باب ولاسرير

والشي الثاني

كيف اوزعهم على المربعات مثلا عندي 8 الواح خشب بوزعهم على ثلاث مربعات مثلا كيف اقصد انهن

8 الواح ينزلن كلهن في مربع واحد مايمديني اوزعهن

اهلا بك اخي

تستطيع الحصول على 9 مربعات من خلال صنع "طاولة صناعة" تجدها في الرد الثاني باول صورة

اما عن سؤالك الثاني , عندما تضغط على الواح الخشب و تحملهم جميعا , اذهب للمكان الذي تريد وضع الاولح فيه و اضغط زر الفأرة الايمن , عندها سيتم وضع قطعة واحده فقط

اي استفسار انا الخدمة

موضوع: رد: شرح لعبة ماين كرافت 12/27/2011, 12:38 am

تسلم اخوي كنق شرح وافي وكافي مبدع كعادتك

لا هنت ومشكور على طرحك.. واسمحلي جديد على اللعبة

موضوع: رد: شرح لعبة ماين كرافت 1/18/2012, 6:52 am

مشكوور واستفدت كثير

موضوع: رد: شرح لعبة ماين كرافت 1/28/2012, 1:05 am

موضوع متكآمل ..

يسسلمو

بالتوفيق لكـ

موضوع: رد: شرح لعبة ماين كرافت 2/16/2012, 2:24 am

جزاك الله خير

موضوع: رد: شرح لعبة ماين كرافت 2/16/2012, 2:27 am

نسلم الآيادي إلي كتبت هذا الكلام كلو Smile

شكلك تعبت King تلم على كل مجهوداتك وصنايعك

موضوع: رد: شرح لعبة ماين كرافت 2/16/2012, 2:35 am

جازاك جازاك جازاك الله خريا.....

أخخ نسيت التكملة lol!

موضوع: رد: شرح لعبة ماين كرافت 2/20/2012, 7:47 pm

شكراً على كل الجهد الي سويته تحياتي:عضو في يوتيوب مشهور S4GAM3R

موضوع: رد: شرح لعبة ماين كرافت 2/20/2012, 10:31 pm

شككرا الف شكرا افدتني كثييير

موضوع: رد: شرح لعبة ماين كرافت 2/21/2012, 4:55 pm

مشكووور كنق

موضوع: رد: شرح لعبة ماين كرافت 3/7/2012, 9:26 pm

ياهي معلومات تلحس المخ

الصناعه كثيره مره بس مع مرور الوقت افهم

موضوع: رد: شرح لعبة ماين كرافت 3/18/2012, 9:01 pm

مشكوور استفدت

موضوع: رد: شرح لعبة ماين كرافت 3/21/2012, 12:06 am

شكرا جزيلا لك الله يعطيك ألف عافية

موضوع: رد: شرح لعبة ماين كرافت 3/21/2012, 1:32 am

مشكور

موضوع: رد: شرح لعبة ماين كرافت 4/10/2012, 7:22 pm

ممكن تعلموني كيف اسوي سرير لاتحرجوني Embarassed

موضوع: رد: شرح لعبة ماين كرافت 10/28/2012, 4:27 am

لتحميل اللعبه المجنونه ماين كرفت با اخر اصدار 0.1
________________
http://sub5.rofof.com/010halwd27/Minecraft_ServerR.html

OR

http://www.4shared.com/file/n0fun1NR...t_ServerR.html

___________________________________________

» شرح l تحميل لعبة ماين كرافت
» تحميل لعبة ماين كرافت
» قطآر الموت في لعبة ماين كرافت
» تحميل لعبة ماين كرافت المكركة
» شرح كيفية عمل لعبة بالبيستون في ماين كرافت